Listamannadvöl_

Listamannadvöl er sérstakur viðburður sem hvetur listafólk til að ferðast og skapa verk sem tengjast staðnum sem það heimsækir sterkum böndum. Þar sem hugmyndin á bak við ACT IN_OUT snýst um menningarskipti á milli landa var það einboðið að koma á fót listamannadvöl.

Pólskt listafólk heimsótti Egilsstaði og íslenskt listafólk fór til Łódź, sem hluti af ACT IN_OUT verkefninu. Þátttakendur vörðu þremur vikum á nýja staðnum, á ólíkum árstímum, og hverri dvöl lauk með flutningi á glænýju verkefni sem var innblásið af heimsókninni og nýjum áhorfendahópi.

Fyrsti listamaðurinn í þessum hluta ACT IN_OUT var Stefan Kornacki – listamaður sem sérhæfir sig í ýmsum listgreinum. Meðan hann dvaldi á Egilsstöðum fékk hann áhuga á íbúum litla bæjarins. Hann tók við þá stutt viðtöl um framtíðarvonir þeirra, áhyggjur og gleðiefni, og setti saman í „Stock for future: Emotions“, mynd sem var frumsýnd á Íslandi 23. apríl 2022 og varð aðgengileg á netinu 2. maí. Hægt er að horfa á hana í Skjalasafns-kaflanum.

Eftir dvöl Stefans á Egilsstöðum var komið að Łódź’s – sem tók tvíeykinu UNIFILED tveimur höndum. Atli Bollason i Guðmundur Úlfarsson litu á iðnaðarfortíð og -nútíð Łódź sem leið til að skapa samanþjappað verk, fullt af vangaveltum þeirra um póstmódernískt og póstkommúnískt landslag borgarinnar eftir heimsfaraldur. Þeir vörðu þremur vikum í að lesa, fylgjast með og rannsaka lífið í Łódź, og þann 10. ágúst sýndu þeir gjörninginn „A Thousand Ragged Ghosts.“

Næst heimsótti Joanna Skowrońska Egilsstaði. Hún er pólsk söngkona og þjóðfræðingur sem hefur helgað sig því að rannsaka tónlistarrætur fólks í Póllandi, úkraínsku Pólesíu og Neðri-Sílesíu. Fyrir henni var Ísland spánnýr lærdómur sem hún tók opnum örmum. Hún einbeitti sér að því að skapa verk sem sameinaði tvo menningarheima – eins og „Paths that Lead Nowhere“ sem hún vann með Rafał Kołacki, og var sýnt 5. nóvember 2022. Joanna tengdist líka íslensku tónlistarfólki í opinni vinnustofu þann 9. nóvember 2022, þar sem hún og íslenska tónlistarfólkið lærðu hefðbundnar söngaðferðir hvert af öðru.

Í janúar var komið að Agli Loga Jónassyni betur þekktum sem Drengurinn Fengurinn. Hann einbeitti sér að því að upplifa Łódź í gegnum hljóð, myndir, tilfinningar og lítil ævintýri sem hann upplifði á göngu sinni eftir „lengstu götu í heimi“ eins og hann lýsti Piotrkowska. Nýja tónlistin hans og sjónrænt efni voru frumflutt þann 25. janúar í formi gjörningsins „It Rubs The Mattifying Lotion On Its Skin.“

Næst kom Krzysztof Topolski, til Egilsstaða. Hann er tónlistarmaður sem hefur ekki aðeins áhuga á að búa til tónlist heldur líka finna hana í umhverfinu. Hann kom fram með Rafał Kołacki 23. apríl 2023, en leitaði líka að hljóðum sem væru einkennandi fyrir Egilsstaði og bjó til hljóðheiminn „RHYTHMACHINES“ sem var fluttur þann 28. apríl.

Síðasti viðburðurinn sem varð til við listamannadvöl var alltumlykjandi hljóð- og sjónræn upplifun eftir Ida Juhl. Hún er tónlistarmaður, plötusnúður og hljóðlistakona sem hrífst af vélahljóðum. Hún ímyndaði sér lífið sem verkakona í verksmiðju í iðnaðarhverfi Łódź og þann 30. júní 2023 skapaði hún ótrúlegt rými þar sem þátttakendur gátu aftengt sig heiminum og dýft sér í taktfastan hávaðaheim verkafólksins í verksmiðjunum.

Slík listamannadvöl væri ekki möguleg nema fyrir þátttöku listafólks og stjórnenda á báðum endum, en einnig vegna þátttöku þeirra menningarstofnana sem sáu um að skipuleggja ferðirnar og deildu rými sínu, búnaði og eignum með listafólkinu. Þessar stofnanir innihalda ekki aðeins fólk heldur líka byggingar, sem oft eiga sér ótrúlega sögu – sem er undirstrikað í bæklingnum „The Silence of the Machines. Harmony and Noise“. Bæklingurinn – sem var kynntur 22. nóvember við undirleik hljómsveitarinnar Kust – er hugsaður sem samantekt á öllu sem listafólkið framkvæmdi, með þeirra eigin orðum og lýsingum á stöðunum þar sem sköpunin fór fram. Það má lesa bæklinginn með því að smella Skjalasafn!